Tuir Komandante Jerál PNTL Komisáriu Faustino da Costa katak, Polísia Nasionál Timor-Leste (PNTL) kontinua asegura iha fronteira, nune'e timoroan ne'ebé iha Atambua hakarak mai tuir loron finadu iha Timor-Leste (TL) sei labele tama mai, tanba estadu emerjensia.
"Iha loron matebian dalaruma timoroan iha Atambua labele tama mai, tanba estadu emerjénsia ne'e, lei aplika vale, labele tanba dehan uluk nia timoroan, agora mai fali iha EE ne'e, lae," dehan Komjer Faustino iha Komandu Jerál PNTL Kaikoli, Tersa (20/10).
Entretantu, loron finadu, nu'udar loron importante ba Timoroan sira, liu sarani Katólika sira, vizita rate tinan ida dala ida ne'e, sai ona kostume Timor nian.(*)