Porta-Voz Komandu PNTL, Superintendente Xefe Arnaldo Araújo relata, kazu hirak ne'e, dadaun ne'e, balun iha ona Ministériu Públiku no balun sei prosesa hela, iha PNTL.
"Iha territóriu laran tomak, asidente ne'ebé mosu hamutuk kazu 59, dumina hosi baku malu no asalta malu. Ida ne'e mak akontese, hahú hosi loron 13 to'o 19", Dehan Nia iha Komandu Jerál PNTL, Caicoli, tersa (20/10).
Agora, kazu asidente tráfegu hamutuk 20, ne'ebé mai hosi faktór umanu pursentu 29 (29%), vericulu pursentu lima (5%), ida ne'e, kauza hosi dezastre sira, dalabarak dezastre hirak ne'e, mosu hosi umanu, tanba de'it balu lanu, tanbá ne'e, ikus mai, rezulta ema barak lakon vida.
Kazu 59 ne'e, agora iha ona PNTL nia liman, balun iha ona Ministériu Públiku no balun sei prosesa hela, hein katak, tempu badak bele entrega ona ba iha Ministériu Públiku, hodi bele kontinua prosesa ba oin.
Maske parte PNTL fó sai ona ba públiku, katak juventude halo barullu sei kaptura inan ho aman, maibé tuir observasaun iha segunda kalan (19/10) akontese asalta malu, iha Kampung Baru Comoro ne’ebé rezulta balun kanek no balun konsege detein.
“PNTL Dom Aleixo, iha tereñu no atende ona. Mas iha Lahane mos jovens 22 ho 77 hein malu,” informa autoridade seguransa ida ne'ebé husu atu TempoTimor.com labele publika nia naran.(*)