Governu Laiha Planu ba Pilotu Militar, Lere Haruka ba Ke'e Rai

Xefe Estadu Maiór Jerál F-FDTL Maijór Jenerál Lere Anan Timur ko'alia iha seminar ida iha Dili, semana ruma kotuk Xefe Estadu Maiór Jerál F-FDTL Maijór Jenerál Lere Anan Timur ko'alia iha seminar ida iha Dili, semana ruma kotuk Foto File

Tempotimor (Dili)-Maske antes ne'e governu haruka membru na'in 10 husi Falintíl Forsa Defeza Timor-Leste (F-FDTL) hodi ba tuir formasaun pilotu iha Filipina durante tinan lima, maibé dadaun ne'e membru sira ne'e halimar de'it, tanba governu laiha planu hodi prepara kondisaun ba sira.

Xefe Estadu Maiór Jerál F-FDTL Maijór Jenerál Lere Anan Timur katak, membru sira aprende ona, maibé governu la prepara kondisaun, entaun komandu haruka sira ba ke'e fali rai.

"Kona-ba forsa aero ne'e la'ós ha'u mak haruka ba, maibé ne'e planu governu nian, hodi haruka ema na'in 10 ba Filipina hodi eskola kona-ba pilotu, mais ita ne'e hanesan ne'e, ita seidauk iha kondisaun, ita prepara uluk ona ema, ne'e di'ak, maibé governu laiha planu entaun haruka ema ba tuir tiha buat ne'e, maibé mai fali sira ba fali ke'e rai," dehan Jenerál Lere Anan Timur iha Palásiu Prezidensiál bairru-pite, Kuarta (14/10).

Nia dehan, membru sira ne'e aprende tiha ona, maibé mai fali la servisu tuir área ne'ebé aprende entaun dalaruma iha problema ho komandu sira.

"Sira iha razaun duni, tanba ami ba hasai kursu kona-ba pilotu, agora mai ke'e fali rai," nia tenik.

Lere afirma, sorti membru sira ne'e bele aplika oituan tamba apoiu husi Timor oan Lorenço Atauru mak oferese netik avioneta kiik ida hodi membru sira bele halimar.

"Tuir informasaun katak iha marsu tinan oin, amerikanu sira atu fó tan aviaun kiik-oan ida, para ita bele treinu, maibé governu labele minimiza ita-nia rekursu umanu, tanba iha komponente Navál, Infantaria no Engeñaria, ita iha ema matenek barak, la'ós hanesan nasaun seluk, maibé ita mós bele," katak Lere.

Rate this item
(1 Vote)
Last modified on Wednesday, 14 October 2020 16:05
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« November 2020 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30            

Tempo Timor Networks