"Ita kalkula ho nia gráfiku ne'e ninia pursentu hanesan de'it, metade iha karta kondusaun, metade laiha karta kondusaun," dehan Komandante Polísia Tranzitu Munisípiu Dili, Inspetór Domingos Soares Gama, iha Kaikoli, Kuarta (30/9).

Inspetór ne'e afirma, gráfika hatudu iha 50% iha karta kondusaun.

"Iha nasaun ida labele iha sidadaun ne'ebé laiha karta kondusaun, depois konduz transporte iha estrada públiku," nia dehan.

Nia hatutan, pelumenus iha 80% iha ona karta kondusaun no iha 20% mak laiha karta kondusaun ne'e bele kálkula, maibé 50% kedas mak laiha karta kondusaun.

Maske nune'e, hahú mudansa ona, tanba liuhusi servisu tranzitu nian, iha sidadaun barak mak iha ona interese hodi trata karta kondusaun. Entaun, kontinua implementa lei ne'e rasik, para komunidade sira iha konxiénsia liutan. (*)