Vise MI Orienta Investiga Pesoal PNTL Subar Oan ne’ebé Tama Ilegal

Vise Ministru Interiór António Armindo ko'alia hela ho jornalista sira iha Ótel JL-Vila Fatuhada, Tersa (22/9). Vise Ministru Interiór António Armindo ko'alia hela ho jornalista sira iha Ótel JL-Vila Fatuhada, Tersa (22/9). Foto Tempo Timor

Tempotimor (Dili)-Vise Ministru Interior António Armindo orienta ona Komando Jeral Polisia Nasional Timor-Leste (PNTL) atu halo investigasaun ba pesoal polisia ne’ebé deskonfia subar nia oan ne’ebé fila mai Timor-Leste liu husi dalan illegal, hafoin ba sa’e sintu iha Atambua, Indonezia.

Vise Ministru ne’e rekoñese katak, iha duni pesoal PNTL balun ne’ebé koko subar sira-nia oan ne’ebé komete asaun illegal.

"Sim, kazu ne'e loos duni, iha duni membru PNTL balun nia oan ba sa'e sintu iha sorin (Indonézia)," dehan vise MI iha Ótel JL-Vila Fatuhada, Tersa (22/09).

Tuir nia, problema prinsipal la’os ba sa’e sintu iha Atambua, maibé tamba tama no sai la liu husi dalan legal, no at liu tan lakohi tama kuarentena.

"Kuandu ba sorin ho ilegál, tama fali mai obrigatóriu tama kuarentena, tanba ita-nia problema mak pandemia covid-19, ita lakohi daet tuun-sa'e. Depois ita rona katak nia la haruka nia oan ba kuarentena, entaun ita orienta sira estasaun Dili par ba kaptura no foti sira," dehan Armindo.

Hafoin pesoal PNTL nia oan mane ho inisial AV ne’e tama kuarentena, nia dehan, MI orienta kedas Komando PNTL hodi halo investigasaun.

"Ha'u orienta ona komandante Jerál PNTL Komisáriu Faustino da Costa hodi investiga," nia dehan.

Tuir nia, membru PNTL sira loloos bele sai ezemplu di’ak ba komunidade sira, la’os hatudu fali asaun ne’ebé la merese.

Bainhira membru PNTL nia familia ba sa’e sintu iha Indonezia no fila mai, di’ak liu membru PNTL ne’e rasik mak lori nia membru familia ne’e tama kuarentena.

Kona-ba medida hasoru pesoal PNTL ne'ebé subar oan, Vise MI ne’e hatete, sei iha medida hafoin rezultadu investigasaun sai.

Rate this item
(0 votes)
Last modified on Wednesday, 23 September 2020 00:46
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« December 2021 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Tempo Timor Networks

Online Counter