Print this page

Jura ba Bandeira RI, Lere Husu Governu Hola Médida

By September 16, 2020 2075
Xefe Estadu Maiór Jerál F-FDTL Maijór Jenerál Lere Anan Timur ko'alia ba jornalista sira iha Palásiu Prezidensiál kona-ba sidadaun ne'ebé jura ba bandeira Indonézia. Kuarta (16/9). Xefe Estadu Maiór Jerál F-FDTL Maijór Jenerál Lere Anan Timur ko'alia ba jornalista sira iha Palásiu Prezidensiál kona-ba sidadaun ne'ebé jura ba bandeira Indonézia. Kuarta (16/9). Foto Supply

Tempotimor (Dili)-Liga ba sidadaun Timoroan sira ne'ebé kontinua hakat liu fronteira rai hodi ba sa'e sintu iha Kupang, maka Xefe Estadu Maiór Jerál F-FDTL Maijór Jenerál Lere Anan Timur husu governu atu hola médida.

Tuir Lere katak, Timor-Leste nu'udar nu'udar nasaun soberanu, maibé ema kontinua jura ba bandeira seluk, entaun presiza tau atensaun.

"Nu'udar nasaun ida soberanu, ita sidadaun Timor, tanba saida maka sira ba jura fali iha nasaun seluk? ida ne'e maka ita-nia governu tenke toma médida kona-ba ida ne'e," katakLere Anan Timur iha Palásiu Prezidensiál bairru-pite, Kuarta (16/9).

Lere mós afirma, TL iha bandeira ida, iha governu ida, iha estadu ida ne'ebé ema hotu presta nia juramentu.

"Komprimisiu ba bandeira ida ne'e ka ba ita-nia prezidente ida ne'e ka ba ita-nia governu ida ne'e. Nusa maka ita-nia governu la toma médida. sira ba bei-beik iha Indonézia ne'ebá ne'e. Governu rua ne'e tenke koordena buat ne'e labele la'o hanesan ne'e nafatin," katak Lere.

Lere afirma, ema ne'ebé husi Timor mak ba Indonézia ne'e, sira-nia objetivu la'ós ba buat seluk, maibé ba hasa'e sabuk ka sintu.(*)

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items