Login to your account

Username *
Password *
Remember Me

Vise-MI: Infiltrasaun Ilegál iha Fronteira Tanba Fukun Tolu

Vise Ministru Interiór António Armindo ko'alia hela ho jornalista sira iha Palásiu Governu, hafoin remata reuniaun Konsellu Ministru (KM). Kuarta (16/9). Vise Ministru Interiór António Armindo ko'alia hela ho jornalista sira iha Palásiu Governu, hafoin remata reuniaun Konsellu Ministru (KM). Kuarta (16/9). Foto Supply

Tempotimor (Dili)-Governu halo avaliasaun katak to'o agora sei kontinua mosu infiltrasaun ilegál iha fronteira tanba kauza husi fukun tolu.

Vise-Ministru Interior (Vise-MI), António Armindo hateten, ema kontinua tama-sai iha fronteira nia problema mak família balun hela iha Timor no balun hela iha Indonézia, atividade negósiu no grupu arte-marsiál ba sa'e sabuk iha Atambua.

"Ema kontinua tama ilegál nia proplema ida kultura no família, balun hela iha ne'e no família balun hela iha sorin, ida tanba negósiu ki'ikuan sira no ida mak ilegál arte-marsiál ba sa'e sabuk iha sorin", dehan António hafoin reuniaun Konsellu Ministru, iha Palásiu Governu, Kuarta (16/09).

Tuir nia, kestaun hirak ne'e akontese tanba fronteira rai luan tebes, entaun bele tau seguransa barak, maibé tenke akontese nafatin ema tama-sai ilegál.

"Ita só husu de'it ba sidadaun hotu-hotu iha konxiénsia katak, buat ida ilegál ne'e la di'ak, satán iha situasaun ida Estadu Emerjénsia atu prevene Covid-19, ida ne'e problema ba ita", nia akresenta.

Nune'e, husu sidadaun hotu atu iha konxiénsia atu labele halo atividade ilegál hodi kontribui mós ba parte seguransa, tanba prevensaun pandemia Covid-19 ne'e importante tebes.

Ho kestaun ne'e, Ministériu Interiór hahú aumenta ona membru seguransa Polisia Nasionál Timor-Leste (PNTL) iha área fronteira rai-maran no tasi.

"Ita hasa'e númeru PNTL, ida ne'e mak dadaun halo. Unidade Patrullamentu Fronteira (UPF) mos ita haruka ona ró. Ró Kay Rala agora ba para iha tasi besik Atabae nian atu kontrola fronteira tasi nian no ita haruka Batallaun Orden Públiku (BOP) reforsa iha fronteira", nia hakotu.(*)

Rate this item
(0 votes)
Last modified on Wednesday, 16 September 2020 17:29
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter