Vise-Ministru Interiór, António Armindo hateten, komunidade ne'ebé afeta konkorda ho aprosimasaun antes, nune'e hein desizaun husi governu para halo evakuasaun.
Nia esplika, fatin ne'ebé komunidade sira hela iha kotuk (parte súl) tama hotu iha dezeñu ne'ebé pakote hamutuk ho projetu ne'ebé agora dadaun halo no prosesu admistrativu legál hotuhotu agora la'o hela.
"Ita hein de'it bainhira desizaun ne'e tun mai, depois sira iha terenu ezekuta tuir desizaun ne'ebé governu sei deside," dehan Antonio, iha Kuartél Jerál PNTL, Kaikoli, Tersa (15/9).
António hatutan, seidauk bele deklara bainhira atu evakua komunidade afetadu, maibé kuandu desizaun iha ona entaun PNTL, ADN, inklui Terras Propriedade sei halo aprosimasaun para rezolve. (*)