Portavoz Komandu Jerál PNTL Superintendente Xefe Arnaldo Araújo hatete, iha 12 Setembru, forsa konjunta husi Unidade Patrollamentu Fronteira (UPF), Falintil Forsa Defeza Timor-Leste (F-FDTL) no Unidade Espesiál Polísia (UEP) kaptura tan sidadaun na'in 24, tanba kontinua viola regra sira ne'ebé estadu Timor-Leste implementa iha fronteira.

"Sira halo pattollamentu iha fronteira konsege kaptrura ema na'in 24 ne'ebé tama ilegál, sidadaun sira ne'e ba tuir ezame no sa'e sintu iha Indonézia mak fila mai," dehan Arnaldo liu husi konferénsia imprensa iha Kaikoli, Segunda (14/9).

Hafoin halo kapturasaun, nia hatete, nia parte intrega ona ba parte Covid-19 hodi hatama iha kuarentena.

Kona-ba kontrolu ba movimentu illegal iha fronteira, Portavoz ne’e rekoñese defisil uitoan tanba fronteira ne’ebé luan.

“Bainhira ita-nia forsa sira tempu deskansa mak sira aproveita husi fatin ne'ebé ita-nia forsa sira la halo patrulla ba, entaun bainhira sira fila mai, parte seguransa informadu ona, entaun hein iha dalan ne'ebé sira atu liu hodi kaptura sira," nia dehan.

Entretantu, husi membru PSHT na’in 24 ne’ebé hetan kapturasaun, na’in 16 kaptura iha Batugade, na’in 6 iha Kovalima no na’in 1 iha Dili.