Situasaun ida ne’e hamosu preokupasaun boot tanba ema sira ne’ebé tama-sai illegal ne’e iha posibilidade boot atu lori moras Covid-19 tama mai TL no ikus mai bele haterus no hamate Timor-oan lubuk ida, hanesan esperensia ne’ebé hatudu ona iha nasaun sira seluk.

Deputadu bankada Fretilin José Agostinho Siqueira Xomotxo deskonfia iha envolvimentu membru Unidade Polisia Fronteira (UPF) iha atividade tama-sai illegal iha area fronteira.

"Ha’u lahatene se kuandu ba-mai hela de’it, no ema sira ne'e mak nafatin, signifika ita iha rede, rede ne'ebé iha ne'eba bele hetan suborno par admite ema sira ne'e tama-sai iha fronteira," dehan Xomotxo iha parlamentu nasional, Kinta (10/9).

Tuir nia, dezde uluk to’o agora, governu seidauk iha planu atu halo rotasaun ba membru UPF iha fronteira, nune’e iha posibilidade boot pesoal UPF balun kria ona rede no komete abuzu poder no korrupsaun.

"Ita kuandu koalia kona-na seguransa aseguradu no metin, ne'e sira atu mai husi ne'ebé? A não ser que ita-nia polisia no militar sira iha ne'eba mak hanesan fó dalan," dehan nia.

Atu halakon kestaun ne’e, nia dehan, governu tenke halo rotasaun ba membru UPF sira kada fula tolu.

Kona-ba progresu UPF iha fromteira ne'e nia fo hanoin,  Governu  tau atensaun maksimu, pior liu tan  ita hela estensun estadu emerjensia.

“tanba ne'e husu hotu-hotu presiza kuidadu boot, se timor-leste sei simu konsikuensia tan deit sistensa ileglmente sira ne'ebe mosu iha fronteira,” nia dehan,