Portavoz Komandu Jerál PNTL Superentendente xefe Arnaldo Araújo ko'alia hela ho jornalista sira iha Komandu Jerál PNTL Kaikoli, Kuarta (9/9).
Foto Tempo Timor
TempoTimor (Díli)-Sidadaun timoroan kompostu husi mane na'in 5 hetan kapturasaun PNTL husi Unidade Polísia Fronteira (UPF), iha fronteira Oekusi, Kuarta (02/09), semana kotuk.
Sidadaun sira ne’e kaptura tanba deskonfia hala'o atividade negósiu kombustivel ho tua liuhusi dalan ilegál.
"Ita nia sidadaun Timoroan na'in 5 ne'e polísia kaptura, tanba hatama sasán ilegál hanesan kombustivel ho tua husi fronteira", dehan Portavós Komandante Jerál PNTL, Superintendente Arnaldo Araújo, iha Kaikoli, Kuarta (09/09).
Entretantu, sidadaun na'in lima ne'e, polísia kaptura iha fronteira Lela Ufe, Postu Administrativu Nítibe, Rejiaun Administravita Espesiál Oekusi-Ambenu (RAEOA).(*)
Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.
Jornalista Jornal Tempo Timor, bandu atu hetan envelope ka sasan ruma husi fontes informasaun sira.
www.tempotimor.com
