Portavóz Komando Jerál PNTL, Superintendente Arnaldo Araújo relata, membru PSHT nain 37 ne'e sira kaptura hafoin ba hala'o ezame sa'e sintu iha Atambua Indonézia.

"Membru arte marsial sira ne'e hamutuk ema nain 37 mak ami kaptura no agora detein iha kuarentena Batugade," informa Arnaldo liu husi konferensia imprensa iha kuartel jerál PNTL, Kaikoli, Kuarta (09/09).

Nia hatutan, iha kapturasaun ne'e, ekipa konjunta halo mós aprensaun ba atributu ka ekipamentus GAM nian, no agora entrega ona ba kuartel jerál UPF iha munisípiu Bobonaro hodi halo investigasaun hafoin sei lori ba ministériu públiku.(*)