Print this page
Seguransa Defesa

Komisariu Faustino: Lei Seguransa Nasional Fó Dalan F-FDTL Asegura Rezidensia Angela

By September 03, 2020 4442
Komandante Jerál PNTL Komisáriu Faustino da Costa no segundu komandante PNTL komisáriu Mateus Fernandes. Komandante Jerál PNTL Komisáriu Faustino da Costa no segundu komandante PNTL komisáriu Mateus Fernandes. Foto Tempo Timor

Tempotimor (Dili)-Komandante Jeral Polisia Nasional Timor-Leste (PNTL) Komisariu Faustino da Costa hatete, Lei Seguransa Nasional fó dalan ba Falintil Forsa Defeza Timor-Leste (F-FDTL) atu fó apoiu ba serbisu Polisia Nasionál Timor-Leste (PNTL).

Komsariu Faustino deklara kestaun nee relasiona ho prezensa membru F-FDTL iha rezidensia Angela Freitas neebé mós nuudar sede nasional grupu Rezistensia Nasional Defende Justisa no Konstituisaun RDTL (RNDJ-KRDTL) iha Bairo Formoza, iha Kuarta (02/09).

Faustino esplika, dezde tinan 2018, polisia militar sempre fó apoiu ba PNTL iha serbisu ka atividade balun relasiona ho kestaun seguransa.

"Dezde ita iha empase iha tinan kotuk, Polísia Militar sempre apoiu PNTL iha serbisu ka atividade balun, só ida ne'e de'it," dehan Faustino iha Palásiu Prezidensiál, Kuarta (03/09).

Nia esplika, apoiu malu entre F-FDTL ho PNTL nee laos tanba empase politika, maibé tanba Lei Seguransa Nasional fó dalan.

"Iha lei seguransa nasional hatete katak serbisu komplementár bainhira iha nesesidade," dehan Faustino.(*)

Rate this item
(0 votes)
Tags
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items