Login to your account

Username *
Password *
Remember Me

RNDJK Planu Hatun Xefe Estadu, Lere Sei Futu Ángela no Aitahan Matak

Xefe Estadu Maiór Jerál F-FDTL Maijór Jenerál Lere Anan Timur Xefe Estadu Maiór Jerál F-FDTL Maijór Jenerál Lere Anan Timur Foto Supply

Tempotimor (Dili)-Liga ba planu grupu Rezisténsia Nasionál Defende Justisa no Konstituisaun RDTL (RNDJ-KRDTL), lidera husi Ángela Freitas ho António Aitahan Matak ne'ebé tuir planu atu hatun Prezidente Repúblika (PR) Francisco Guteres Lú-Olo nu’udar xefe estadu iha 4 Setembru 2020, maka Xefe Estadu Maiór Jerál F-FDTL Maijór Jenerál Lere Anan Timur dehan nia parte sei haruka membru F-FDTL futu no sama belar Ángela Freitas no António Aitahan Matak.

"Ha’u rona katak Ángela Freitas ho Aitahan Matak iha dia 4 Setembru ne’e atu hatun PR Lú-Olo, ha’u husu ba Ángela, o mak hatun Prezidente, ou tali mak sa'e fali o,” dehan Lere iha Kurtel Jenerál F-FDTL Fatuhada, Segunda (31/08).

Lere realsa dehan, dia 4 mak Ángela Freitas ho António Aitahan Matak mak hakarak hatun PR Lú-Olo, lori tali futu no sama belar tiha.

"Dia 4 sira halo manifestasaun ha’u haruka futu Ángela, António Aitahan Matak mós sama belar hotu. Hatun ema seluk, joven sira hanesan Aniceto no Ministru foun sira ne'e bele hatun ba, mais ha’u nia katuas sira la hatun ho demonstrasaun, hatun ha’u haruka sama sira no ha’u responsabliza iha tribunál, tanba uluk funu o iha ne'ebé! Uma ne'e ami mak harii, agora o hakarak duni sai fali ami husi uma laran, o la'ós uma na'in tan, ha’u nia feto ka doben Ángela ne'e hanoin la dun loos ona karik,” Lere hatutan.

Funu na'in 24 anus ne'e dehan, Lider hanesan Kay Rala Xanana Gusmão, Taur Matan Ruak, Fransisco Guteres Lu-olo, Mari Alkatiri no Ramos Horta ema ida sei la hatun arbiru ho manifestasaun.

"Ne'e mak ha’u hateten, pudia ne'e loloos ita-nia governu la pudia hatama ona ema ida hanesan Ángela ne'e, iha Timor. Labele ona e labele simu ona nia iga Timor, biar nia Timor oan. Mas nia halo saida? krizi 2006 nia halo Alfredo mate e depois tuir tan mai Mauk Moruk mate tan, nia mak asesóra. Be agora halo tan ida ne'e, ha’u la husik kualker ema seja quem for, hatun ha’u nia maun sira ne'ebé ke uluk komanda funu, Dezde husi Maun Xanana Gusmão to'o Taur Matan Ruak, Lú-Olo, Mari Alkatiri, Ramos Horta, ema ida la hatun", Nia dehan.

Nia konsidera Ángela ho Aitahan Matak hanoin sala ona, tanba hakarak hataun fali Prezidente Repúblika Lú-Olo.

"Ema bulak mak ko'alia atu hatun Prezidente Republika, tanba PR ne'e tuir desizaun, la'ós naran foti de'it, PR ne’e orgaun Primeiru, ema primeiru másimu iha Timor mak nia, agora Ángela prepara ona ema ida atu troka nia ne'e kuitadu,” tenik Nia

Komandante ne’e, apela ba Ángela Freitas ho António Aitahan Matak katak hanoin atu hatun PR Lú-Olo ne'e kuidadu.

"Ha’u apela dala ida tan ba Ángela Freitas ho António Aitahan Matak imi kuidadu, di’ak liu katuas sira ne'e ita respeita no tane as sira, tanba sira mak ita ukun aan, tanba ne'e mak se imi mak book sira, ha’u haruka sama belar tiha imi,” jeneral  fitun rua ne’e hakotu.

Rate this item
(7 votes)
Last modified on Monday, 31 August 2020 22:41
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter