Login to your account

Username *
Password *
Remember Me

Konfronta Entre Estudante, Polisia Destaka Polisia iha Eskola 6

Tempotimor (Dili) - Relasiona ho krime sira ne'ebé ikus-ikus ne'e akontese iha areadór eskola sekundária públika sira, maka Polisia Nasionál Timor-Leste (PNTL) hamosu tan Ofisiál Polisia Eskola (OPE) hodi destaka iha eskola 6, iha kapitál Dili.

Ofisiál Polisia Eskola (OPE) ne'e harii dezde 2019 ho objetivu atu halo seguransa no halo prevensaun ba eskola sekundária sira ne'ebé deskonfia iha poténsia ba konflitu.

Komandante Polisia Komunitáriu Munisípiu Dili, Inspetór Daniel da Costa Freitas hatete, daudaun ne'e membru OPE fó hela seguransa ba eskola 6 iha munisípiu Dili no kada eskola hetan seguransa husi membru ida.

“Ofisial polisia ba eskola nian pur volta ema na'in 6, no kada eskola ema ida mak halo seguransa” dehan nia, ba média sira, iha Kampus UNTL-Kaikoli, Kuarta (26/08).

Nia dehan, eskola sira ne'ebé identifika iha risku mak bele tama, maibé sira seluk ne'ebé laiha risku PNTL sei la fó seguransa.

Nia hatutan, ba eskola universidade sira, iha mós posibilidade atu instala seguransa, maibé depende ba pedidu husi reitór sira, karik iha nesesidade, PNTL prontu atu monta ninia ema.

Maski nune'e, daudaun ne'e Komandu PNTL Munisípiu Dili seidauk estabelese regulamentu no prosedimentu sira iha organizasaun polisia ba kampus nian, tanba maka seidauk halo implementasaun.

“Bainhira ami PNTL monta seguransa ba eskola sira signifika eskola ne’e hasoru dezafiu ba seguransa nian, tanba ne'e mak sira husu ba ami atu fó seguransa”, dehan nia.

Nia hatete, labele mensiona detalle naran eskola ne'ebé daudaun ne'e destakadu ona seguransa, tanba eskola seluk bele sente dehan laiha balansu seguransa ba hotu-hotu, maibé jeralmente eskola sira ne'e maka kompostu husi sekundária públika.

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

Kona-ba planu kontinuasaun ba oin, nia dehan, PNTL bazeia de'it ba pedidu ne'ebé hato'o husi kada eskola sira sente la seguru, sira bele hato'o ba komandu no bainhira iha orientasaun ruma maka sei halo destakamentu ba membru sira iha kada eskola. (*)

Rate this item
(0 votes)
Last modified on Thursday, 27 August 2020 13:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter