Print this page

Vise MI Aprezenta Konseitu Dezeñu UPF Ba Ministru Taur

By August 27, 2020 1197
Vise MI Armindo Antonio ko'alia PM Taur Matan Ruak ne'ebe nu'udar mos Ministru Interior hola nota (26/8) Vise MI Armindo Antonio ko'alia PM Taur Matan Ruak ne'ebe nu'udar mos Ministru Interior hola nota (26/8) Foto Midia PM

Tempo Timor (Dili) - Primeiru-Ministru, Taur Matan Ruak, nu’udar mós Ministru Interiór, hetan aprezentasaun husi Vise-Ministru Interiór, António Armindo kona-ba dezeñu infraestrutura sira ba postu Unidade Patrullamentu Fronteira (UPF) ne’ebé sei tau ba prioridade iha Orsamentu Jerál Estadu 2021 atu implementa.

“Ita aprezenta dezeñu kona-ba postu UPF nian ne’ebé foin daudaun ne’e ita la’o ba fronteira para identifika hela ne’ebé. Ohin tama ba iha faze dezeñu nian, dezeñu hotu ona ita aprezenta ona, no aban sei ba tan estasaun Komoro para atu haree atu kompleta dezeñu hirak ne’e depois ita atu enkaixa ba iha orsamentu 2021”, dehan Vise-Ministru Interiór, hafoin reuniaun ho Primeiru-Ministru, iha Palásiu Governu, Kuarta (27/8).

Primeiru-Ministru no Ministru Interiór apresia no konkorda ho dezeñu ne’ebé aprezenta, kona-ba Postu UFP, inklui eskuadra PNTL Komoro, ne’ebé tama hotu ona ba prioridade ba tinan fiskál 2021.

“Primeiru-Ministru apresia tebetebes konkorda ho dezeñu hirak ne’e no iha postu 6 ita tenke halo iha 2021 hamutuk tan ho eskuadra Komoro. Postu 6 ne’e, 3 entre Mota-Ain ho Salele no 3 entre Sakato ho Citrana iha Oekusi no ida tan mak ita-nia eskuadra Komoro ne’e prioridade ba iha 2021”, dehan nia.

Entretantu iha fulan-Jullu liubá, Ministru Interiór orienta nia Vise-Ministru hamutuk ho arkitetu hala’o vizita ba terrenu iha fronteira Mota-ain, Bobonaru to’o Salele, Suai no kontinua ba fronteira Sakato, Oesilu, Pásabe no Citrana hodi identifika postu UFP sira ne’ebé presiza urjentemente atu hadi’a iha Orsamentu Jerál Estadu 2021 nian. (*)

 

HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.

<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>

Rate this item
(1 Vote)
Last modified on Thursday, 27 August 2020 13:31
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items