Komandante Polísia Departamentu Nasionál Tránzitu no Seguransa Rodoviária PNTL, Superintendente Xefe João dos Rires Belo relata, ema kuaze mate barak ona iha estrada publiku no iha tinan ida ne'e ema hamutuk na'in 40 mak mate ona iha estrada publiku.
"Estratejia hanesan komadante foun iha tránzitu nasional hau hakarak minimiza vitima mate iha estrada barak, idepois fo edukasaun ba komunidade par iha konsiensia hodi uza fatin publiku hodi bele minimiza mate no kanek iha estrada laran",Nia informa hafoin hasoru-malu ho Primeiru Ministru, Taur Matan Ruak iha palasiu governu, tersa (25/08).
Politika atu minimiza ema mate iha estrada klaran mak, Nia dehan, membru hotu-hotu presiza hala'o servisu tránzitu ho profisional hodi kontrola movimentu publiku.
"Parte tránzitu nian, primeiru hau hau esforsu hakarak membru polísia hotu-hotu hola parte iha servisu tránzitu atu minimiza violasaun infrasaun regras tránzitu iha estasaun", Nia akresenta
Alende ne'e, komadante tránzitu mos relata, hahu husi Fulan janeiru tinan 2020 to'o mai agora polísia tránzitu hatama ona osan 100 mill ital ba kofre estadu.
"Hau servisu iha tránzitu nasional sidauk to'o fulan ne'ebé estratejia tomak ita halo atu bele mos hamosu ka hetan osan husi servisu tránzitu nian par bele kontribui ba kofre estadu", Nia informa
Nune'e ho planu no estranjeiru polísia tránzitu nian ne'e ba oin bele hadi'a diak lii tan, par bele kontribui makas ba kofre estadu.
Antes ne'e, João dos Reis Belo, hala'o knar nu'udár komadante Unidade Patrollamentu Fronteira (UPF), maibé tanba desizaun husi komandu jeral PNTL nian, halo transferensia mai fali iha komandante Polísia Departamentu Nasionál Tránzitu no Seguransa Roadoviaria PNTL no dadaun nia hala'o servisu iha polísia tránzitu sidauk to'o fulan.
HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.
<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>
