"Hasoru komandante atu informa katak manifestasuan iha 28 Agostu ne'e adi'a ba 4 Setembru, tanba ne'e mak ami koopera nafatin ho perte seguransa par manifestasaun ne'e la'o ho di'ak," dehan portavoz movimentu ba dame Ángela Freitas iha Kuartel Jerál PNTL Kaikoli, Segunda (24/08).
"Ami halo mudansa tanba ami seidauk rekolla hotu formuláriu ne'ebé ami distribui ba munisípiu sira, entaun husu para fó tan tempu para ami rekolla hotu husi munisípiu 12 inklui RAEOA depois mak ami hato'o petisaun iha 4 Setembru," nia dehan
Iha fatin hanesan, portavoz komandu Jerál PNTL Superentendente xefe Arnaldo Araújo katak, grupu Movimentu ba Dame ne'ebé lidera husi Ángela Freitas, mai halo enkontru komandante operasaun nian, maibé seidauk iha konkordansia tanba seidauk prienxe kritéria.
"Iha enkontru ida ne'e, seidauk iha konkordánsia ba malu tanba de'it sira seidauk prienxe kritéria hanesan fatin, konsentrasaun grupu nian, maibé se sira la kumpri ida ne'e, sei adi'a nafatin no hanoin katak PNTL sei autoriza sira halo manifestasaun," nia dehan.
Komandante ne'e mós afirma, alende prienxe kritéria sira, sira mós tenke kumpri lei númeru 1 artigu 5 kona-ba lei manifestasaun nian.
Entretantu, iha sorumutu ne'e mós portavoz Mivimentu ba Dame alerta katak sei hala'o manifestasaun iha Palásiu Prezidensiál ninia oin, maibé parte PNTL la autoriza, tanba ne'e PNTL propoin atu halo manifestasaun iha Tasi-Tolu ka Bekussi, tanba fatin luan bele akumula ema barak.
HAKARAK HATENE PARTISIPASAUN MAUN BO'OT XANANA GUSMAO IHA KOMBATE COVID 19 LOKE VIDEO IHA KARAIK NE'E.
<iframe width="560" height="315" src="https://www.youtube.com/embed/0uXuwzjCkMk" frameborder="0" allow="accelerometer; autoplay; encrypted-media; gyroscope; picture-in-picture" allowfullscreen></iframe>