Sona Malu To'o Kampus, KMD Realiza Enkontru Ho Reitór Sira Universidade Nian

Komandante PNTL Munisípiu Dili Superentedente Xefe Henrique da Costa no Reitór UNPAZ Adolmando Amaral Komandante PNTL Munisípiu Dili Superentedente Xefe Henrique da Costa no Reitór UNPAZ Adolmando Amaral Foto Tempo Timor

Tempotimor (Dili)-Komandu Polísia Nasional Timor-Leste (PNTL), munisípiu Díli realiza enkontru ida ho reitór sira husi universidade 10 iha Díli laran hodi ko'alia kona-ba oinsá halo prevensaun ba kríme sira ne'ebé ikus-ikus ne'e akontese iha kampus liu-liu iha areadór universidade sira.

Tuir Komandante PNTL munisípiu Díli, Superintendente Xefi Henriques da Costa katak, objetivu husi sorumutu ne'e diskute kona-ba programa sensibilizasaun ne'ebé PNTL rasik sei hala'o ba kada universidade no Institutu Superiór sira iha Díli laran kona-ba prevesaun krime no asegura seguransa iha kampus.

"Ami mós halo introdusaun ba universidade sira kona-ba planu PNTL munisípiu Díli nian ne'ebé sei servisu hamutuk hodi garante Dili sai fatin seguru ba situasaun hotu, nomós halo introdusaun ba programa foun PNTL munisipiu Dili nian katak polísia ba kampu ka police goes to campus," hatete komandante PNTL munisípiu Díli, Superintendente Xefi, Henriques da Costa ba jornalosta sira iha komandu Jerál PNTL, Kaikoli, Sesta (21/08).

Komandante ne'e subliña, liuhusi sorumutu ne'e prepara ona kalendáriu hodi halo sensibilizasaun ba universidade no institutu superiór sira iha kapitál Díli.

Henrique salienta, atu prevene konflitu, "Polísia, Universidade, Populasaun ka ema hotu tenke servisu hamutuk atu prevene no kombate kríme iha Díli, tanba ne'e mak metas ba sensibilizasaun ne'ebé halo ho edukativu, sei lori ba promosaun paz no estabilidade iha munisípiu Díli," nia dehan.

Iha fatin hanesan, reprezentante Reitór UNTL, Proreitór Asuntu Kooperasaun Eduardo Aniceto Serano sente kontente ho programa komandu PNTL munisípiu Dili nian, tanba ne'e nia husi ba PNTL atu halo sensibilizasaun ba kada fakuldade iha universidade sira.

"Ha'u husu karik di'ak liu halo ba fakuldade hotu-hotu, labele ba de'it fakuldade siénsia sosiál, tanba ami UNTL iha fakuldade hamutuk 9 ho totál estudante barak teb-tebes no presiza duni atu hetan informasaun ida ne'e," Eduardo dehan.

Entretantu Reitór UNPAZ, Adolmando Amaral afirma, planu komandu PNTL munisípiu halo, nu'udár meiu ida atu bele fó konsiénsializasaun ba estudante sira hodi bele komprende kona-ba lei no oinsá ezerse sira-nia papél ho di'ak hodi kontribui ba paz ho estabilidade iha kampus ida-idak.

"Ba ami husi UNPAZ, ami sente haksolok no apresia ho planu polísia munisípiu Dili nian, no ida ne'e atu bele fó koñese ba estudante sira hodi prevene konflitu iha kampus no eskola sira, para atividade iha eskola la'o ho seguru," dehan Adolmando.

Tuir kalendáriu, iha loron 27 fulan Agostu semana oin, PNTL munisípiu Dili sei hala'o uluk atividade sensibilizasaun ba UNTL no UNPAZ iha loron 28, no inklui universidade ho institutu sira seluk tan bazeia ba kalendáriu ne'ebé distribui ona ba kada universidade sira.

Entretantu, universidade no instirutu superiór sira ne'ebé partisipa iha enkontru ne'e maka, UNTL, UNPAZ, UNDIL, UNITAL, DIT, IOB, ICS, IPDC, ICR no ICS.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.

Contact us

Palapasu
Dili, Timor-Leste
+670 7723 4852
+670 7728 1698
https://www.tempotimor.com

Kalendariu Arkivu

« March 2021 »
Mon Tue Wed Thu Fri Sat Sun
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Tempo Timor Networks