Login to your account

Username *
Password *
Remember Me

Lere Konsidera PSHT, IKS no KORK Ameasa ba Nasaun RDTL

Emblema Arte Marsiál sira nian Emblema Arte Marsiál sira nian Foto Supply

Tempotimor (Dili) - Xefe Estadu Maiór Jenerál FALINTIL-FDTL, Majór Jenerál Lere Anan Timur husu ba governu atu kria lei ne'ebé rigorozu ba grupu arte-marsiál no arte-rituál tanba konsidera sai ameasa ba futuru nasaun nian.

Mensajen ne'e Jenerál Lere hato'o bainhira halo diskursu iha Selebrasaun loron FALINTIL ba dala XL ne'ebé realiza, iha Kuartél Jerál, FALINTIL-FDTL, Fatuhada, Dili, Kinta (20/8).

"Arte marsiál no rituál ne'ebé governu uluk bandu ona, ami rekomenda ba governu halo lei ne'ebé rigorozu atu regula sira, ka di'ak liu lalika autoriza sira-nia ezisténsia, see lae arte marsiál no rituál mak sai ameasa ba nasaun iha futuru mai," dehan Lere.

PUBLISIDADE HUSI MOP FO PARABENS BA LORON FALINTIL

 

Antes ne'e, Prezidente KRAM, Octávio da Conceição hatete, tuir lei númeru 5/2017, KRAM iha kompeténsia atu fó lisensa no fó autorizasaun loke sentru ka klube ka organizasaun arte-marsiál no no mós bele taka fila-fali.

Husi sansaun sira ne'ebé atu aplika todan liu mak taka permanente ba grupu arte-marsiál sira ne'ebé komete krime organizadu.

"Sansaun ne'ebé kmaan mak halo xamada atensaun, adertarismu, koema no ida mak cabut fali sira-nia lisensa, todan liu ona mak taka fila-fali," dehan Octávio.

Entretantu VIII governu konstitusionál liuhusi Konsellu Ministru fó sai rezolusaun númeru 4/2020 hodi reativa fali grupu arte-marsiál hanesan PSHT, IKSPTL no KORK ne'ebé antes indika iha rezolusaun númeru 13/2016 (02/03), maibé realidade kazu arte-marsiál kontinua hamosu konflitu hanesan kazu Laga-Baukau ne'ebé foin lalais akontese. (*)

Rate this item
(1 Vote)
Last modified on Thursday, 20 August 2020 13:22
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« May 2022 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Tempo Timor Networks

Online Counter