Padre Ilídio Husu Membru F-FDTL Sai Bibi-Atan Di'ak

By Tempo Timor August 19, 2020 1652

font size decrease font size increase font size
Print
Email

Prezidente Repúblika (PR) Francisco Guterres Lú-Olo Kear Liman Hela ho Jenerál Lere Anan Timur hafoin prolonga mandatu Jenerál LAT nian iha tempu balun liubá. Foto Espesiál

Tempotimor (Dili) - Liuhusi Santa Misa ba agradesimentu loron aniversáriu Forsa Armada Libertasaun Nasionál Timor Leste (FALINTIL) ba dala 45, Padre Ilídio Correia husu ba membru FALINTIL-FDTL sira tenke sai bibi-atan ne'ebé di'ak hodi tau matan ba bibi sira.

"Bibi atan ne'ebé di'ak asume nia responsabilidade no halo servisu di'ak, ita-boot sira mak forsa defeza. Tanba ne'e, nu'udar bibi-atan di'ak hatene defende nia bibi husi perigu no inimigu," dehan nia, bainhira prezide Santa Misa, iha Igreja Motaél, Kuarta (19/8).

Nia akresenta, bibi-atan ne'ebé di'ak hatene halo estratéjia hodi salva guarda nia bibi sira husi animál fuik nian.

"Bibi atan ne'ebé di'ak hatene oinsá halo nia bibi sira manan ta’uk, primeiru fó korajen ba nia bibi sira hodi manan, maibé bibi atan ne'ebé di'ak liu mak Na’i Maromak, nia la'o hamutuk ho ita. Ida ne'e mak bibi atan ne'ebé di'ak tanba responsabilidade," dehan Pe. Ilídio. (*)

PUBLISIDADE HUSI MOP FO PARABENS BA LORON FALINTIL

Rate this item

(0 votes)

Last modified on Thursday, 20 August 2020 10:19

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com