Maski nune'e, husu atu akumula membru instituisaun tomak atu servisu iha ambiente unidade laran no hapara ona separasaun grupu iha Polisia nia laran.

“PNTL ne’e instituisaun ne’ebé importante tebes, depois konsolida liután, atu labele iha grupu-grupu PNTL nia laran”, dehan deputadu Mariano Assanami Sabino, iha PN, foin lalais ne'e.

Nia hatutan, forsa seguransa la’o ba oin, labele grupu-grupu iha laran. Tenke kontinua asume mandatu nu’udar erroi funu na’in, kontinua asuwa'in atu bele lori nasaun ne’e la’o ba oin.

Entretantu Vise-Prezidente PN, deputadu Luis Roberto fiar ba lideransa PNTL foun hodi lidera unstituisaun PNTL.

“Ha’u fiar sira na’in rua. Tanba sira-na’in rua servisu kleur iha ne’ebá hatene muitu bem kona-ba PNTL nian, ne’ebé ha’u fiar katak sei servisu di’ak liután hodi lori instituisaun PNTL ne’e ba futuru”, tenik nia.

Nune’e, Xefe Bankada CNRT, Duarte Nunes dehan, komandante foun rua ne’ebé sei lidera PNTL ba oin ne’e, bele estuda fila fali ba pasadu, nune’e bele lidera ho di’ak liután.