Login to your account

Username *
Password *
Remember Me

FALINTIL Trasa Planu Estratéjiku Garante Seguransa Marítima

Kapitaun Mar no Guerra, Hijino das Neves, bainhira sai Oradór dahuluk iha semináriu ho Konsolidasaun Estratéjiku Ba Garantia Seguransa Marítima TL nian, hodi komemora loron Falintil ba dala-45, iha kuartel jenerál Fatuhada, tersa (18/08). Kapitaun Mar no Guerra, Hijino das Neves, bainhira sai Oradór dahuluk iha semináriu ho Konsolidasaun Estratéjiku Ba Garantia Seguransa Marítima TL nian, hodi komemora loron Falintil ba dala-45, iha kuartel jenerál Fatuhada, tersa (18/08). Foto Tempo Timor

TempoTimor (Díli)- Forsa Armada Libertasaun Nasionál Timor-Leste - Forsa de Defesa Timor Leste (F-FDTL), dadaun ne'e halo konsolidasaun ba nia planu estratéjiku hodi oinsá bele asegura seguransa marítima Timor-Leste (TL) nian liu-liu iha liña tasi ne'ebé define tiha ona.

Kapitaun Mar no Guerra, Hijino das Neves hatete, konsolidasaun estratéjiku atu garantia seguransa ba TL nia marítima, tanba liuhosi ida ne'e, ita bele hatene TL nia kontextu estratejiku rasik tuur iha pozisaun ida ne'ebé.

Nia hateten, haree hosi textu globál, Komponente Naval kada tinan 2 ba partisipa formasaun iha Indonézia no Australia hodi eleva koñesimentu ofisiais sira nian hodi oinsa garante seguransa di'ak ba ita nia tasi.

"Komponente Navál tama ona iha membru aéreos nian no kada tinan partisipa iha formasaun ba asuntu sosial ninian iha rai India", hateten Kapitaun Mar no Guerra, Hijino das Neves, bainhira sai Oradór dahuluk iha semináriu ho Konsolidasaun Estratéjiku Ba Garantia Seguransa Marítima TL nian, hodi komemora loron Falintil ba dala-45, iha kuartel jenerál Fatuhada, tersa (18/08).

Nia dehan, ba kestaun seguransa iha tasi, TL tenke iha responsabilidade rasik hodi asegura seguransa ba ita nia tasi, no labele ema hosi nasaun seluk maka halo fali seguransa.

"Ha'u nia hakarak ne'e, Timor ne'e oinsa labele ema seluk. Ita mak tenke toma responsabilidade rasik hodi asegura ita nia seguransa maritima ita nia nasaun nian", dehan nia.

Nia dehan, TL iha interese estratéjiku tolu ba protesaun seguransa rikusoin iha tasi timor, hanesan teritóriu konstituidu, espasu, espasu marítimas no area sob-juridisaun.

Nia esplika, objetivu nasional TL nian iha área seguransa defeza maritima, maka mantein ita nia soberania independente no integridade territórial, garantia estabilidade ba ema nia moris no properiedade ba sidadaun sira, mantein paz iha liberdade no demokrásia hodi kuidadu ita nia rekursu kulturál ho tradisionalemente.

Nia hatutan, iha asuntu defeza no seguransa nasional nian, iha buat haat importante maka promosaun promove TL ida ho seguru, estável no reziliénsia, no prevensaun.

Nia afirman, obrigasaun TL nian hanesan estadu mar maka ita tenke kontribui ba akordu sira ne'ebé halo ona ho nasaun avansadu sira iha mundu, maibé dala-barak mós TL ladun hala'o ho di'ak tanba ita laiha estabílidade polítika rai-laran hodi finansia no moderniza ita nia forsa armadas.

"Dezafiu ba ita iha seguransa marítima, prezensa forsa navál timor nian seidauk destaka iha liña fronteira marítima hodi halo seguransa ba ita nia tasi, maske ita iha ona tratadu konaba rai ketan", dehan nia.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« July 2022 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter