Vizita ne'e Adjuntu Komandante Jerál PNTL, Komisáriu Mateus Fernandes hatete, estudante sira mai vizita PNTL hodi haree diretamente servisu instituisaun seguransa nian ho besik liután.

"Estudante sira husi IDN mesak Diretór Jerál de'it, entaun sira mai vizita PNTL hakarak haree saida mak durante ne'e PNTL halo no funsaun saida," dehan nia, iha Kuartél Jerál PNTL, Kaikoli, Kinta (13/8).

Nia afirma, iha soru-mutu ne'e la ko'alia asuntu espesífiku, maibé sira mai objetivu atu hatene servisu Servisu Investigasaun Kriminál (SIK) no Servisu Operasionál nian.

Mateus dehan, estudante sira IDN la'ós mai primeira-vés, maibé antes ne'e xefe suku sira ne'ebé estuda iha IDN mai uluk ona, no ba oin Diretór Nasionál sira ne'ebé kontinua estuda iha IDN sei mai tan no membru governu sira seluk ne'ebé hala'o estudu iha IDN. (*)