Print this page

PNTL Rejeita Monta Postu Seguransa iha Universidade

By August 05, 2020 2641
Komandante Jerál Polísia Nasional Timor-Leste (PNTL), Faustino da Costa Ko'alia ba Jornalista sira iha Ministeiru Finansas Ai Tarak Laran Dili (4/7) Komandante Jerál Polísia Nasional Timor-Leste (PNTL), Faustino da Costa Ko'alia ba Jornalista sira iha Ministeiru Finansas Ai Tarak Laran Dili (4/7) Foto Tempo Timor

Tempotimor (Dili) - Komandante Jerál Polísia Nasional Timor-Leste (PNTL), Faustino da Costa deklara, sei la koloka membru hodi halo seguransa ba universidade sira iha Timor-Leste.

"Ita sei la koloka ba iha universidade tanba eskola sekundáriu, pre-sekundáriu sira husu tan, polisia hira mak ita atu ba tau iha ne'ebá", dehan nia, ba jornalista sira, iha jornada Orsamentál 2021, iha Salaun Auditóriu Kay Rala Xanana Gusmão, iha Ministériu Finansas, Aitarak-Laran, Tersa (04/08).

Nia hatutan, daudauk ne'e konflitu entre grupu arte-marsiál sira tama ona iha areadór eskola universidade sira, no situasaun ne'e la'ós foun ba PNTL. Fatin sira ne'ebé durante konflitu, haruka ona komandu munisipál iha parte universidade atu asegura.

"Ha'u hanoin iha universidade sira hotu mak ita tau postu seguransa hotu, entaun ba oin kada uma-kain mós ita tau polísia, agora fila ba ita hotu-hotu nia sentimentu ba iha parte ne'e", dehan nia.

Nia hatutan, PNTL sempre iha kooperasaun di'ak ho parte hotu-hotu oinsá kontribui ba estabilidade seguransa iha rai-laran, maibé kuandu sidadaun sira maka laiha konxiénsia maka atu monta postu to’o rihun ida mós la halo buat ida.

“Ita mosu iha situasaun ida ne’e, ita dehan arte-marsiál governu reativa ona, maibé atividade seidauk bele halo kuandu seidauk rejistu iha Komisaun Reguladora Arte-Marsiál (KRAM). Agora saida mak akontese, durante ne'e reativa tiha seidauk rejistu depois balu komesa halo atividade", dehan Faustino.

Nia hateten, situasaun ne'e sai dezafiu ba PNTL, kuandu halo kapturasaun ba sira balu ba ema sira ne'ebé sempre aplika grupu arte-marsiál, ikus só aplika mínimu Termu Identidade Rezidénsia (TIR). (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items