MI Orienta Investigasaun Membru PNTL Baku Ema Arbiru

Membru PNTL ne'ebe hala'o dadaun nia atividade hodi basa komunidade ida Membru PNTL ne'ebe hala'o dadaun nia atividade hodi basa komunidade ida Foto Screen Shot Video

Tempotimor (Dili) - Relasiona ho membru Polísia Nasionál Timor-Leste (PNTL) ne'ebé baku komunidade depois halo mós vídeo hodi espalla iha média sosiál, Ministériu Interiór (MI) hasai ona despaxu hodi halo investigasaun ba atitude ne’e.

Vise-Ministru Interiór, António Armindo, rekoñese vídeo ne'ebé membru PNTL balun baku komunidade, nune'e orienta ona ba Komandu Jerál PNTL hodi halo investigasaun.

"Ohin lokraik ne'e kedas sira halo ona investigasaun", nia informa, hafoin partisipa jornada orsamentál, iha edifísiu Ministériu Finansas, Aitarak-Laran, Tersa (04/08).

Nia rasik mós haree ona vídeo ne'e mak membru PNTL ne’e halo, nune'e prosesu investigasaun hatudu provas sériu maka sei aplika medida forte.

Tuir informasaun ne'ebé Tempotimor.com asesu, antes ne'e membru PNTL ida ho atributu polisia nian baku komunidade ida no halo mós vídeo. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.