Login to your account

Username *
Password *
Remember Me

Tinan Oin, F-FDTL sei Simu Membru Foun 1.200

Membru F-FDTL kontanes ba Bandeira Nasional ho FALINTIL - Forsa de Defesa Timor Leste iha parade ida iha palasiu Governu nia oin Membru F-FDTL kontanes ba Bandeira Nasional ho FALINTIL - Forsa de Defesa Timor Leste iha parade ida iha palasiu Governu nia oin Foto File

Tempotimor (Dili)-Ministru Defeza Filomeno Paixão de Jesus informa, governu prepara ona planu atu halo rekrutamentu ba membru foun FALINTIL Forsa Defeza Timor-Leste (F-FDTL) ba tinan oin. Tuir planu, sei rekruta ema hamutuk 1.200.

Ministru Paixão hatete, rekrutamentu ba membru F-FDTL ne’e halo ho ritmu lalais uitoan, tanba kuaze tinan 10 ona laiha rekrutamentu.

"Entaun ita presiza rítmu lalais, tanba uluk ne'e ita rekruta de'it 300, maibé agora ita hanoin par rekrutamentu 600 iha inísiu 2021, depois iha fim 2021 ita rekruta tan na'in 600," dehan Paixão ba jornalista sira iha Palásiu Prezidensiál Bairu-pite, Tersa (04/08).

Tuir tarjetu ne’ebé molok ne’e iha, nia hatete, iha tinan 2020, membru F-FDTL iha ona na’in 3.600, maibé, realidade to’o ohin loron foin iha na’in 2.000.

"Depois iha konseitu estratéjia foun ne'e númeru sa'e ba 4.000 to'o 5.000, tanba ne'e tenke lalais uitoan, tanba agora daudaun ne'e ita iha sarjentu no kabu mak barak liu fali soldadu," nia dehan.

Entretantu, kona-ba dokumentus ne’ebé kandidatu sira intrega iha tinan kotuk, Paixão hatete, hein verifika de'it.

"Dokumentu sira ne'ebé entrega ona ne'e, entrega ona, agora ne'e sira prosesa hela, laiha ida mak arkivadu, ne'ebé kuandu to'o ona mai, hein loke de'it ona. Sira ne'ebé iha ona ne'e, iha ona, sira ne'ebé presiza hatama tan, kandidatu, sei hatama," dehan nia.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter