PNTL sei 'Hamoos' Karreta Aat iha Dalan Ibun

Motor soke malu ho kareta iha liuron Dili Motor soke malu ho kareta iha liuron Dili Foto Suplai

TempoTimor (Dili) - Komando Jerál Polísia Nasional Timor-Leste (PNTL) sei halo operasaun hodi 'hamoos' karreta aat iha estrada ibun, tanba veikulu hirak ne'e maka sai fatór engarrafamentu iha Dili laran.


Portavós Komandante Jerál PNTL, Superintendente Arnaldo Araújo hateten, fatór ne'ebé kauza hodi hamosu engarafamentu iha fatin-fatin tanba kauza husi karreta sira ne'ebé avaria ona no para iha estrada ibun durante tempu naruk.

Nia hateten, durante ne'e PNTL planu ona atu halo asaun liuhosi operasaun hodi rekolla kareta aat sira ne'ebé durante tempu naruk nia laran na'in ba karreta sira hapara de'it iha estrada ninin.

"PNTL iha duni interese para atu bele iha asaun ba ida ne'e, tanba ita hatene katak agora daudaun iha sidade Dili mosu engarafamentu iha ne'ebé de'it," dehan nia, ba jornalísta sira iha Komjér, Kaikoli (29/07).

Arnaldo hatutan, movimentu kareta ne'e dala-ruma engarrafa iha fatin-fatin fatór ida maka karreta aat sira para iha dalan.

Ho situasaun ne'e, nia husu,  ba kareta na'in sira ne'ebe agora karreta sira estasiona hela iha estrada ibun tenke foti lori ba sira-nia fatin, see lae komandu PNTL munisípiu Dili sei tun no foti karreta sira ne'e sei soe ba lixu. (*)  

Rate this item
(0 votes)
Last modified on Friday, 31 July 2020 14:36
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.