Print this page

PNTL no KRAM Sensibiliza Regra GAM iha Postu Kristu Rei

Segundu Komandante PNTL Munisípiu Dili, Superentedente Asistente Euclides Belo Ko'alia ba Jornalista sira iha nia kna'ar fatin iha Kaikoli Dili Segundu Komandante PNTL Munisípiu Dili, Superentedente Asistente Euclides Belo Ko'alia ba Jornalista sira iha nia kna'ar fatin iha Kaikoli Dili Foto Tempo Timor

Tempotimor (Dili) - Relasiona ho polítika VIII Governu reativa arte-marsial sira ne'ebé antes ne'e taka, Komandu Polisia Nasionál Timor Leste (PNTL) Munisípiu Dili hamutuk ho Komisaun Reguladora Arte-Marsiál (KRAM) halo sensibilizasaun ba grupu arte-marsiál sira iha Postu Administrativu Kristu Rei, Munisípiu Dili.

Segundu Komandante PNTL Munisípiu Dili, Superentedente Asistente Euclides Belo hateten, Komandu Munisípiu Dili hamutuk ho KRAM sensibiliza regra ba grupu arte-marsiál sira.

"Ohin dadeer KMD hamutuk ho KRAM husi Sekretáriu Estadu Juventude no Desportu (SEJD) nian inklui entidade sira seluk munisípiu Dili nian, halo sesibilizasaun ba ita-nia komunidade sira iha área Hera ninian," dehan nia, iha knaar fatin Kaikoli, Kuarta (29/07).

Komandante ne'e afirma, objetivu husi sensibilizasaun ne'e atu fó hanoin ba komunidade sira kona-ba reativasaun arte-marsiál sira.

"Sensibilizasaun ne'ebé ita halo ne'e atu fó informasaun ne'ebé detallu ba ita-nia komunidade sira para reativasaun grupu arte-marsiál sira para halo atividade karik tenke kumpre kritériu sira ne'ebé kumprimenta," dehan Euclides.

Regra sira ne'ebé sei aplika husi KRAM ba grupu arte-marsiál sira mak tenke rejista.

"La'ós kumpri regra de'it, maibé tenke rejista mós ne'e obrigatóriu, tanba lei KRAM ne'ebé regula ne'e hatete katak hotu-hotu tenke kumprimenta, entaun tenke rejistu fatin trainamentu, oras, koñesimentu ba autoriedade lokál no seguransa, para atividade treinu ka ensaiu ne'e labele prejudika ba ema seluk," nia tenik.

Atividade sensibilizasaun ne'e foin hahú iha postu administrativu Kristu Rei, maibé iha ona planu katak sei kontinua programa ne'e ba teritóriu Timor-Leste tomak para komunidade sira bele informadu. (*)  

Rate this item
(0 votes)
Last modified on Thursday, 30 July 2020 00:11
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items