Prezidente Komisun B Jose Agustino sequeira 'Xomotxo' hatete, daudauk ne'e sira buka solusun hela kona-ba proposta alterasun lei migrasaun ne’ebé Ministériu Interior aprezenta.

Nia dehan, proposta  ne'e husu atu altera artigu 10, 11, no 57, husi lei migrasun nian atu  nune'e fó posibilidade  importante ba  serbisu migrasuan nian hodi bele ezekuta ho rezolusun migrasun rasik.

Maibé, nia dehan, bainhira altera sei  xoke malu ho Konstituisuan RDTL.

"Proposta alterasun husi Serbisu Migrasun ho artigu hamutuk tolu de'it mak halo ami ulun-fatuk moras, tanba ami tetu ba mai la di'ak, sira hakarak tenke aselera mais depois de ami haree katak presiza debate lai tanba alterasun ne'e la'os fasil," dehan Xomotxo ba jornalista sira iha Parlamentu Nasional, Kinta (23/07).

Iha fatin hanesan Vise Ministru Interiór António Armindo dehan, objetivu husi alterasaun  ne'e atu hasai artigu 10, 11, no 57 tanba migrasaun mós iha rezolusaun rasik.

Nia fó ezemplu, kona-ba artigu 10 no 11 ne’ebé koalia kona-ba oinsa atu halo kontrolu iha fronteira atu bandu ema tama sai relasiona ho pamdemia Covid-19, liu-liu iha futuru karik labele mosu kazu ruma iha fronteira.

Maibé, nia hatete, migrasun mós iha rezolusaun ba saude publiku kona-ba ida ne'e tanba ne’e propoin atu hasi artigu refere.

"Atu halo ida ne'e presiza revoga artigu hirak ne'e atu nune'e fó alina ba migrasun atu bele halo rezolusaun ruma nune'e atu bele hadi'a kestaun ne'e iha futuru,” dehan nia.