Print this page

Lere Elojia Membru F-FDTL Apoiu Kbiit Laek iha Fronteira

Major Jeneral F-FDTL, Lere Anan Timur ko'alia ba jornalista sira hafoin hasoru malu ho Prezidente da Republika iha palasiu Prezidensial (22/7) Major Jeneral F-FDTL, Lere Anan Timur ko'alia ba jornalista sira hafoin hasoru malu ho Prezidente da Republika iha palasiu Prezidensial (22/7) Foto Midia PR

Tempotimor (Dili)-Xefe Estadu Maiór FALINTIL Forsa Defeza Timor-Leste (F-FDTL) Maijór Jenerál Lere Anan Timur elojia membru F-FDTL sira iha fronteira Timor-Leste no Indonézia ne’ebé iha inisiativa hodi fó apoiu umanitária ba kbiit laek sira iha area refere.

Lere dehan, membru no ofisial F-FDTL iha fronteira ho inisiativa rasik tau osan hamutuk ho ajuda kbiit laek sira iha area fronteira.

"Ha'u elojia ba ha'u-nia ofisial sira ne'ebé iha fronteira ne'e, sira iha inisiativa rasik ka sentimentu umanu, katak bainhira sira haree faluk ka ema kiak ruma, sira soe hamutuk sira-nia osan dollar $1 ka $2 hodi apoiu ba kbiit laek sira ne'e."

"Sira tau sira-nia osan hamutuk hodi ajuda, hanesan halo uma ka hola hahan ruma," dehan Maijór Jenerál Lere ba jornalista sira hafoin ekontru semanál ho Prezidente Repúblika (PR) Francisco Guterres Lú Olo, iha Palásiu Prezidensiál Bairo-pite, Dili, Kuarta (22/07).

Bainhira ofisial sira halo ida ne’e, nia hatete, media sira la asesu, tanba Lere mós lakohi halo kampana.

"Apoiu sira ne'e média la asesu, tanba ha'u lakohi halo kampaña, naran ita mak tenke konsiente no ha'u hatete ba sira katak ‘imi ne'e mai husi povu, imi povu nia oan, tenke hadomi povu, labele hanoin liu fali dollar $1 ka $2 ne'e liu fali o nia povu nia terus, maibé kuadu sira hasoru susar apoiu sira’. Entaun ida ne'e ha'u elojia sira," dehan nia.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com