Print this page

Lere: “Ha’u La Viola Lei, Deputadu mak Viola Lei Tanba Baku Fila Meza”

Major Jeneral Lere Ko'alia ba jornalista sira hafoin hasoru malu ho Prezidente da  Republika, Dr. Francisco Guterres Lu Olo iha palasiu Prezidensial Dili (15/7) Major Jeneral Lere Ko'alia ba jornalista sira hafoin hasoru malu ho Prezidente da Republika, Dr. Francisco Guterres Lu Olo iha palasiu Prezidensial Dili (15/7) Foto Midia PR

Tempotimor (Dili)-Xefe Estadu Maior FALINTIL Forsa Defeza Timor-Leste (F-FDTL) Lere Anan Timur hatete, nia la viola Konstituisaun RDTL, maibé deputadu sira mak viola, tanba baku-fila meza Parlamentu Nasionál.

Lere deklara kestaun ne’e relasiona ho kritika husi deputadu CNRT ne’ebé hatete katak Lere viola konstituisaun RDTL tanba autoriza membru F-FDTL halo juramentu ba partidu polítiku.

“Ita kompara hanesan ema kazamentu iha igreja karik, halo juramentu ba malu katak sei leal ba malu, hanesan mós ema ne’ebé ba instituisaun ka partidu ida, ne’ebé se ha’u mak kontra lei karik, ha’u la duni sai ha’u-nia primeiru sarjentu Abrio,” dehan Lere ba jornalista sira iha Palásiu Prezidensiál, Bairru-pite Dili, Kuarta (15/07).

Tuir nia, deputadu sira mak halo violasaun ba K-RDTL, la’os nia.

“Deputadu sira mak kontra lei, ne’e mak sira sobu meza ne’e, ne’e krime, momentu ne’ebá podia forsa armada mak ba atua sira, tanba sira halimar ho orgaun soberania, loloos sira han didi’ak mais forsa armada labele halo to’o pontu ida ne’e,” dehan Lere.

Rate this item
(3 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items