Monteiro ba Baukau Rai Hela Lia Menon ba Dili

Komandante Polisia Nasional Timor Leste (PNTL), Munisipiu Dili Suprientendente Xefe Armando Monteiro Komandante Polisia Nasional Timor Leste (PNTL), Munisipiu Dili Suprientendente Xefe Armando Monteiro Foto Suplai

Tempotimor (Dili)- Komandante Polisia Nasional Timor Leste (PNTL), Munisipiu Dili Suprientendente Xefe Armando Monteiro sei ba lidera fali PNTL iha Baukau nune'e nia husik hela lia menon kona-ba servisu ne'ebe durante nia asumi responsabilidade hanesan komandante iha kapital Nasaun nian.

"Tuir informasaun komandu PNTL sei halo mudansa ba estrutura no muda fali komadante ba fatin seluk? Bem hanesan ofisial superiores subordinariu ba misaun PNTL prontu kumpri kualker desizaun ou orden, ida ne'e normalmente akontese iha instituisaun estadu tanba ne'e antes hau atu husik hela aban ami sei simu tomada de posse iha komandu jeral PNTL no fo agradesimentu ba jornalista sira ne'ebe durante akompana hau durante mandatu", dehan Armando ba jornalista sira iha Nia kanar fatin kaikoli, segunda (29/06).

Antes atu husik hela responsablidade ne'e ba komandu PNTL foun Munisipiu Dili, nia mos husu deskulpa ba publiku hotu-hotu karik durante iha mandatu halo buat ruma ne'ebe la monu ba publiku nia laran.

"Durante servisu hamutuk keta hau nia linguajen no atendimentu ba komunidade tantu mos lia fuan ruma la monu ba media sira nia laran karik, hau ho familia no estrutura tomak ne'ebe hau lidera husu deskulpa ba hotu-hotu", Monteiro espresa.

"Espera katak komadante foun komandu PNTL Munisipiu Dili sei mai kontinua servisu durante programadu hela no kontinua komunika diak ho media par bele divulga servisu polisiamentu ba publiku", Nia espera.

Lia menon ba ntidade hotu-hotu ne'ebe fo apoiu tomak durante mandatu, hau laiha buat ida atu selu maibe, fiar katak ita sei hasoru malu iha tempu ne'ebe diferente hodi hatutan nafatin heroi sira nia luta iha nasaun Timor-Leste.

Armando monteiro durante asumi responsablidade iha komandu PNTL Munisipiu Dili tinan ida loron 17, hahu husi loron 18 fulan junu to'o aban loron 30 fulan junu tinan 2020.

Rate this item
(0 votes)
Last modified on Monday, 29 June 2020 17:09
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.