Lere: Nakukun Difikulta Forsa Hapara Ema Tama Ilegal

Maijor Jeneral F-FDTL, Lere Anan Timur ko'alia ba Joranlista sira hafoin hasoru malu ho Prezidente Republika iha Palasiu Prezidensial (10/6) Maijor Jeneral F-FDTL, Lere Anan Timur ko'alia ba Joranlista sira hafoin hasoru malu ho Prezidente Republika iha Palasiu Prezidensial (10/6) Foto Midia PR

Tempotimor (Dili)-Xefe Estadu Maior F-FDTL Maijor Jeneral Lere Anan Timur hatete, atividade hakat liu fronteira liu husi dalan illegal maioria halo bainhira rai nakukun, tan ne’e difikulta forsa sira iha area fronteira atu hapara.

Tuir Lere, fronteira rai maran ho tasi nian diferente, tanba iha tasi ema so uza ro hodi tama no bele identifika lalais.

"Ita la'ós la servisu, ne'e lae, maibé ita hatene rai ne'e orsida loron, orsida kalan, entaun ema aproveita kalan nakukun, depois ita mós haree katak, ita-nia fronteira rai ne'e luan, bele dehan katak fronteira ne'e imarjidade ida entre nasaun rua, ne'ebé la'ós hanesan tasi, tanba tasi ne'e so ro mak mai, maibé iha rai maran ne'e karreta mós bele mai, ema la'o de'it mós bele mai, entaun iha difikuldade ba ita-nia forsa sira atu kontrola," dehan Lere iha Palásiu Prezidensiál Bairu-pite Dili, Kuarta (10/06).

Ho difikuldade ne’e, Lere husu ba Timor-oan sira ne’ebé hela besik fronteira atu koopera ho polisia no F-FDTL.

"Ha'u apela ba ita-nia komunidade liu-liu iha fonteira katak tenke koopera ho Polísia no F-FDTL, tanba moras (Covid-19) ne'e mai ne'e la'ós da'et de'it ba ema ida, maibé primeiru mai ne'e da'et ba familia, depois husi familia ba ema seluk," nia dehan.

Rate this item
(1 Vote)
Last modified on Thursday, 11 June 2020 07:58
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.