Maijor Jeneral Lere hatete, Prezidente Repúblika Francisco Guterres Lu Olo alerta ba instituisaun PNTL no F-FDTL relasiona ho asuntu refere.
"Xefe Estadu Maior Jenerál rekoñese katak instituisaun PNTL no F-FDTL ezajera uitoan iha ninian atuasaun tanba la tuir medidas Estadu Emerjénsia ninian. Membru PNTL no F-FDTL haketak feen ho laen la’o hamutuk no taka sentru komersiál sira," deklara karta husi Palasiu Prezidensial liu husi pajina facebook ne'ebé www.tempotimor.com asesu, Kuarta (01/04).
Ba kestaun ne'e, Komando F-FDTL no PNTL sei tuur hamutuk hodi haree atuasaun iha terenu.