Governu Rejeita Agresaun Kontra Sidadaun Portugál

Ministru Negosiu Estranjeiru no Kooperasaun, Dionisio Babo ko'alia ba jornalista sira Ministru Negosiu Estranjeiru no Kooperasaun, Dionisio Babo ko'alia ba jornalista sira Foto File

Tempotimor (Dili) - Ministru Negósiu Estranjeiru no Kooperasaun, Dionísio Babo Soares rejeita informasaun kona-ba agresaun hasoru sidadaun Portugál relasiona ho Coronavirus Disease 2019 (Covid-19).

 "Lori Estadu Timor nia-naran dismente ho notísia ne'ebé laiha fundamentasaun. Ami cheek hotu ona husi polisia tun mai kraik, laiha buat ida ," dehan Dionísio, iha Palásiu Prezidensiál, Bairru-Pité, Tersa (24/3). 

Tanba moras Covid-19 ne'e, média balun iha Portugal publika katak timoroan balun halo agregasaun hasoru profesor portugeza sira, nune'e halo sidadaun sira Portugal tauk. 

Maibe, verifikasaun husi MNEK hamutuk ho PNTL, la idetifika akontesementu ruma kona-ba agregasaun hasoru sidadaun Portugál iha Timor-Leste.

"Bosok no fonte la verifikadu," dehan Babo. 

Babo akresenta, iha maluk timoroan balun mak dala-ruma halo reasaun tanba falta koñesimentu kona-ba moras Covid-19, maibe laiha reasaun ida hasoru ema estranjeiru. (*)

Rate this item
(0 votes)
Last modified on Tuesday, 24 March 2020 12:47
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.