Login to your account

Username *
Password *
Remember Me

PNTL La Tolera Para Motor iha Trotoar Leten

Motor fungsionariu publiku no komunidade sira ne'ebe para iha Trotoar leten iha parte leste Palasiu do Governu diresaun Akait (11/3) Motor fungsionariu publiku no komunidade sira ne'ebe para iha Trotoar leten iha parte leste Palasiu do Governu diresaun Akait (11/3) Foto tempotimor.com

Tempotimor (Dili) - Polisia Nasionál Timor-Leste (PNTL) simu ona orden husi governu atu aplika lei kódigu estrada. Tanba ne'e, sei la tolera komunidade sira para motor iha trotoar leten.

Komadante Tranzitu Munisípiu Dili, Inspetór Domingos Sarmento Gama hateten, lei kódigu estrada 49 alinea G hatete, komunidade sira uza transporte karreta no motor labele para iha trotoar leten.

"Ohin, dia (11/3) ami sei tolera no avizu de'it, maibé apartir husi ohin ba oin atu komunidade ka membru husi instituisaun rua (F-FDTL no PNTL) no Diretór ka funsionáriu ka xefe mós ami sei foti, tanba aplika kódigu estrada artigu 49", dehan nia, iha tasi ibun Palasiu Governu, Kuarta (11/3). 

Nia dehan, aplika lei kódigu estrada, tanba trotoar ne'e fó espasu ba komunidade sira ne'ebe la'o ain mak bele uza, la'ós para fali motor ho kareta iha leten, depois ema la'o ain la'o fali iha estrada no dala barak hamosu dezastre. 

Nune'e, apela ba komunidade hotu-hotu ne'ebe utiliza transporte karreta no motor labele para tan ona iha trotoar ne'ebe halo ona iha kapitál Dili tomak, kuandu kontinua para iha leten Polisia Tránzitu sei foti hodi tuir medida lei kódigu penál. 

Entretantu, hataan ba preokupasaun fatin atu para motor no kareta nian, komadante ne'e hatete, espasu atu para motor ka kareta ne'e kompeténsia kada instituisaun nian, PNTL só implementa mak lei kódigu estrada. (*)

Rate this item
(0 votes)
Last modified on Wednesday, 11 March 2020 15:24
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter