Print this page

PNTL sei La Husik Membru GAM Treinu no Uza Atributu Arbiru

By February 25, 2020 1725
Komisariu PNTL, Faustino da Costa Komisariu PNTL, Faustino da Costa Foto suplai

Tempotimor (Dili)-Maske governu aprova ona rezolusaun hodi re-ativa grupu artemarsiais PSHT, KORK no IKS, maibé Polisia Nasionál Timor Leste (PNTL) sei la fó livre ba membru GAM sira atu treinu no uza atributu iha kualker fatin.

Komandante Jeral PNTL Komisariu Faustino da Costa hatete, maske governu aprova ona rezolusaun, maibe grupu arte-marsiais mos tenke priense rekezitu seluk molok hala'o fila fali sira-nia atividade.

"Governu hasai rezolusaun, (membru grupu) arte-marsiais balun komesa hatais farda hatudu aan la'o ba-mai, ami mós ko'alia katak, loos rezolusaun iha ona, maibé sira ne'ebé uluk tama arte-marsiais agora tenke kumpri rekezitus seluk, ba rejistu, hatudu ninia estrutura no fatin ne'ebé atu treinu, la'os atu treinu uluk," dehan Komisariu Faustino iha palasiu governu, Segunda (24/02).

Nia dehan, bazeia ba lei númeru 5/2017 kona-ba arma branka, grupu artemarsiais sira tenke rejistu, aprezenta estatutu no hatudu sira-nia fatin treinu.

"PNTL nafatin lori Lei (nú.5/2017) ne'e hodi kontrola no kaer sira ne'ebé treinu ilegal ka la rejistu," nia afirma.

Rate this item
(1 Vote)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items