Domingu, MDS ho Delegasaun F-FDTL Ba Amerika

Tempotimor (Dili)-Tuir planu, iha Domingu (09/02) Ministru Defeza no Seguransa (MDS) Filomeno Paixão de Jesus ho delegasaun FALINTIL Forsa Defeza Timor Leste (F-FDTL) sei aranka ba Estadus Unidus Amerika.

"Ohin mai hasoru malu ho Primeiru Ministru, atu informa katak dia 9 ha'u ho delegasaun F-FDTL nian, ami atu ba enkontru ho Amerika sira kona-ba ita-nia serbisu kooperasaun bilateral ho Amerika", dehan Paixão iha Palasiu governu, Kuarta (05/02).

Tuir orariu, Ministru Paixão dehan, sira sei aranka iha loron 9 Fevereiru no sei fila-fali mai TL iha loron 15 Fevereiru 2020.

Durante enkontru iha Amerika, Paixão hatete, iha asuntu barak mak sei ko'alia relasiona ho kooperasaun Timor Leste ho Amerika iha area militar tantu maritima, aero no ezersu nian.

"Koalia mós kona-ba ezersisiu ne’ebé durante ita halo ho asistensia i kooperasaun Estadus Unidus (Amerika) nian," nia dehan.

PM Taur, tuir nia, fó poiu tomak hodi bele realiza enkontru refere.

Maibé, PM Taur mós sujere atu hala'o enkontru kada tinan no troka malu sai uma-nain ba enkontru refere.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.