Poder Asina Akordu TL-Xina iha Paxão

Ministru Defesa no Seguranca Filomino Paixao tuur besik Sekretariu Estadu Assuntus Veteranu iha liman loos durante sorumutuk Konsello Ministru iha palasiu do Governu (29/01) Ministru Defesa no Seguranca Filomino Paixao tuur besik Sekretariu Estadu Assuntus Veteranu iha liman loos durante sorumutuk Konsello Ministru iha palasiu do Governu (29/01) Foto Midia PM

Tempotimor (Dili)-Konsellu Ministru entrega poder tomak ba Ministru Defeza no Seguransa Filomeno Paixão hodi asina akordu ho Ministeriu Defeza Xina.

Ministru Prezidente Konsellu Ministru Hermenegildo Agusto Pereira Cabral hatete, akordu ne'e asina relasiona ho dezenvolvimentu no fortalesimentu relasaun entre TL ho Xina iha area defeza nian.

"Konforme memorandu ida ne'e sei realiza troka delegasaun defeza militar, kooperasaun iha formasaun no ezersisiu militar no kooperasaun iha saude militar tuir akordu entre nasaun rua ne'e", dehan Agio ba jornalista sira iha palasiu governu, Kuarta (29/01).

Iha fatin hanesan Ministru Paixão afirma, akordu refere hanesan mós viza ba funsionamentu asistensia militar gratuita husi Xina ba Timor Leste.

"Hanesan fornesimentu ekipamentus ba forsa armada nasionais inklui protesaun armas lijeiras, veikulu sira no transmisoes atu halo transmisaun", dehan Paixão.

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

.