FALINTIL-Forsa Defeza Timor-Leste (F-FDTL) iha Komponente Aereo maibé sei iha Komponente Navál nia-okos.
Nune'e, Ministru Defeza no Seguransa, Filomeno Paixão hateten, iha nasaun doadór balun hakarak atu apoia aviaun hodi instala Forsa Aereo Timor-Leste, maibé sei iha prosesu nesgosiasaun laran.
"Ita iha proposta rua, ida mai husi sub kompañia husi Inglaterra ne'ebé atu oferese aviaun sesna rua. Iha mós país doadór balun atu oferese aviaun," dehan nia, iha Dili, Tersa (14/1).
Maski nune'e, eis-Vise Xefe Estadu Maior Jeneral F-FDTL ne'e sei estuda hela proposta rua ne'e hodi bele aseita ida.
Antes ne'e, Forsa Aereo Timor-Leste hetan apoia aviaun ida husi Dili Aereo hodi fasilita treinamentu ba pitolu sira.
FALINTIL-FDTL rasik dadaun ne'e iha komponente tolu hanesan Komponente Terrestre, Apoiu Servisu no Komponente Navál. (*)