Segundu Komadante PNTL Munisípiu Baukau, José Casemero, esplika, bazeia ba orientasaun husi Komandu Jerál ba formasaun duranre loron-5, iha Komandu PNTL Munisípal konklui ona ho simulasaun, ne'ebé kompostu husi treiña t’ekniku 4.

"Tékniku ne'e atu halo servisu iha tereñu ba preparasaun eleisaun parlamentár ne'ebé sei mai", dehan nia iha komandu PNTL Baukau, Sesta (10/03).

Enkuantu simulasaun ba atua situasaun reál nian, realiza iha merkadu vila nova, no vila antiga, ne'ebé involve husi membru PNTL task force na'in-35.

Prátika ne’e halo kapturasaun ba grupu sira halo problema, unidade polísia nian iha patrollamentu wainhira hetan atake husi kriminozu, atuasaun ba grupu sira lanu iha dalan públiku halo perturbasaun, inklui tékniku atuasaun ba bainaka VIP wainhira hetan atake husi grupu organizadu.

"Treiñamentu ne'e bele korajem liután membru sira hotu, liu liu iha seksaun área task force nian, i treñamentu ne'e sufisiente ona ba sira", nia akresenta

Entretantu Munisípiu Baukau nia área luan 1,504.2 km2 kompostu husi Postu Administrativu-6, iha eskuadra PNTL-6, Suku-59 iha OPS-59. (*)