Login to your account

Username *
Password *
Remember Me

Ekipa Konjunta Kaptura Joven Na'ok Sasan iha Lahane no Kaikoli

Joven sira ne’ebé na’ok sasan iha Kaikoli no Lahane. Joven sira ne’ebé na’ok sasan iha Kaikoli no Lahane. Foto Suplay

Tempotimor (Dili)-Ekipa konjunta husi Departamentu Investigasaun Kriminal Nasional junta ho Servisu Informasaun Polísia Nasionál no Forsa Polísia (FP) kaptura ona joven ne'ebé na'ok sasan iha Suku Lahane Orientál no Suku Kaikoli, Munisípiu Dili, na'in-ida konsege kaptura ona, enkuantu na'in-2 seluk kontinua iha prosesu buka tuir.

Tuir informasaun ne'ebé www.tempotimor.com asesu iha pajina ofisiál Servisu Relasoens Públika iha loron 23 fulan-janeiru tinan 2023 katak, joven na'in-3 na'ok ekipamentus importante sira hanesan uza ba fatin fotokopi dokumentus nian inklui osan iha área Dilitex Bebora, enkuantu iha Suku Kaikoli, joven refere, na'ok sasan kios nian.

“Sasan sira ne’ebe lakon iha rental laran mak ekipamentu sira hanesan, Camera Canon 1100 DSLR ida, Canon 600 DSLR ida inklui memori card 35 GB rua ho baku rahun vidru hodi foti ho osan rahun iha luhu laran. Na’ok ten tama utiliza aisuak selok odamatan hodi tama ba naok sasan hirak ne’e”, informa vítima Herman Xefi Aldeia Vale Lahane, Suku Lahane Oriental

Enkuantu vítima Elegito Cancio da Costa, hela iha Aldeia Caicoli 05, Suku Caicoli, Postu-Administrativu Vera-Cruz, nu’udar kios na’in haktuir ba akontesementu ne’e,  suspeitu sira tama, iha parte dader madrugada.

“Sira tama mai iha tuku 03:45 dader, na'ok sasan iha kios laran mak hanesan serveja Bintang lata ki'ik dós-3, sigáru L.A slop-2 no sigaru Sampoerna slop ida ho balun”, nia haktuir.

Hafoin simu informasaun hosi vítima sira, membru PNTL hosi Departamentu Investigasaun Kriminal Nasional junta ho SIPN no FP buka tuir kedas autor nain-3 ba krime publiku ne'e, konsege asegura joven-1 ho inisial RdD iha area Dilitex Bebora ne’ebe envolve kazu na’ok sasan iha Aldeia Vale Lahane, Suku Lahane Oriental, Postu Administrativu Nain-Feto, Munisípiu Dili.

Maibé suspeitu RdD deklara, sasan hirak ne’e sira na'ok fa’an tutan ona ba ema seluk ho presu ne’ebe baratu tebes.

“Sasan ne’ebe ami foti hanesan Bintang dos tolu ami fa’an tiha ona, Canon ida iha ha’u nia uma no ida seluk fa’an tiha ona ho folin $40.00”, dehan suspeitu RdD

Suspeitu hatutan, makina fotografia ida nia fa’an rasik ba nia rian ho naran NJ hela iha Bebora nu’udar membru ativu forsa estadu nian hosi komponente Naval.

Ekipa FP (Forsa Polisia) ho SIPN Vizilansia Leste oras ne’e entrega ona suspeitu RdD ba Eskudra PNTL Nain Feto hodi halo Identifikasaun no kontinua rekolla informasaun hodi buka tuir autór nain-2 hamutuk ho evidensia seluk tán.

Entretantu, suspeitu RdD alias RB, tinan-22, hela iha Aldeia 04 Rumbia, Suku Kaicoli, Postu-Administrativu Vera-Cruz, Munisípiu Dili. (*)

 

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« February 2023 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28          

Tempo Timor Networks

Online Counter