Servisu Migrasaun TL Haruka Fila Sidadaun Indonézia ida

By Tempo Timor January 18, 2023 9736

font size decrease font size increase font size

Servisu Migrasaun TL entrega hela sidadaun Indonézia ba Migrasaun Indonézia iha Mota-ain. Foto Suplay

Tempotimor (Dili)-Diresaun Jerál Servisu Migrasaun Timor-Leste (TL), liuhusi Sektór Operasaun ne’ebe lidera husi Inspetór Polísia Ernesto Maia, entrega tán sidadaun estranjeiru na'in-ida ba Autoridade Migrasaun Indonézia iha Mota-Ain.

Sidadaun ne'e, naran inisiál AMS, idade-47, husi Bima-Indonezia, ne'ebé komete krime koasaun sexsual no hetan pena prizaun tinan 8 kadeia iha Timor-Leste.

Sidadaun ne'e, hahú tama kadeia iha loron 06 fulan-novembru tinan-2014 no sai husi kadeia iha loron 23 fulan-dezembru tinan-2022.

Enkuantu sidadaun refere, Tribunál fó pena asessoria deportasaun husi teritória nasionál durante tinan-10 nia laran labele tama mai Timor-Leste, bazeia ba desizaun Tribunal no lei Migrasaun, Ázilu-Lei númeru 11/2017, 24 Maiu, Artigu 138 junta ho Artigu 140, hodi haruka sai husi Timór-Leste fila ba nasaun orijen Indonézia. (*)

Rate this item

(0 votes)

Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.