Print this page

Komandu PNTL la Tolera Membru Involve Partidu Polítiku

By January 13, 2023 1900
Membru PNTL. Membru PNTL. Foto Suplay

Tempotimor (Baukau)-Komandu Jerál Polísia Nasionál Timor-Leste (PNTL) sei la tolera, membru sira ne’ebé hakarak involve-aan ba partidu polítiku iha eleisaun parlamentar.

Komadante Komandu PNTL Munisípiu Baukau, Superintendente, António De Sá, hatete, festa demokrasia ba elisaun parlamentar no Xefe Suku nian ne'ebé sei akontese iha tinan ne'e, husu membru hotu atu servisu neutru parsialidade, tanba Komandu Jerál hatun ona despasu, zero toleransia ba membru sira involve iha partidu politiku.

"Despasu ne'ebé mak konsellu superior deside, membru sira involve ba partidu sira, Komandu sei la tolera", dehan nia iha resintu Komandu PNTL Baukau, Sesta (13/01).

Tanba, sidadaun ne'ebé tama ona iha instituisaun PNTL, sei komunga de'it prinsipiu ne'ebé estadu haruka.

Nune’e, husu membru sira mantein lei no ordem iha festa demokrasia atu nafatin servisu ho neutralidade no transparansia, atu festa demokrasia la'o iha ambiente paz no trankuilidade.

"Instituisaun seguránsa ne'e ba povu tomak nian, la'os ba partidu nian, tanba ne'e husu mantein disiplina nafatin, irarkia atuasaun sira, atuasaun prevensaun, atuasaun ba kazu kualker krime ne'ebé mak mosu, la haree ba kor, rasa, tantu partidu polítiku", nia apela. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items