"Ha'u husi organizasaun artemarsiais KORK, hamutuk ho artemarsiais Kera Sakti no PSHT sempre koopera, tanba artemarsiais rejistu fali ona iha Governu, ami koopera nafatin ho seguránsa, harii paz dame no estabilidade iha ami nia Munisípiu", dehan reprezentante lider artemarsiais tolu, Agostinho Freitas, iha resintu Komandu PNTL Baukau, Sesta (13/01).
Nia dehan, la'os halo koperasaun de'it ho parte instituisaun seguránsa nian, maibé ho entidades hotu, nune'e bele lori nasaun Timor nia naran ba mundu.
"Wainhira reativa fali ona, organizasaun tolu ne'e hanesan aset negara, ami tenke kontibui hamutuk ho nasaun, no autoridade hothotu, nune'e kria estabilidade ida diak iha ita nia Munisípiu", nia hatete
Husu membru hotu, konsidera malu hanesan Baukauona, kopera malu hanesan maun alin husi inan ida no aman ida nia kous, mak bele fó vantajem ba nasaun liuliu Munisípiu Baukau.
Tanba, membru ne'ebé hakarak kontinua kria problema, sei simu konsekuensia tuir lei ne'ebé vigora ona iha Timor-Leste.
"Regra husi organizasaun estatutu klaru, nomós membru ne'ebé hakarak problema tenke simu sansaun tuir lei", nia hakotu. (*)