Kronolojia ba akontesementu ne'e, wainhira jornalista ho nia oan mane idade tinan-3 balun ho motor mio beat kór mean xapa matrikula N.1158 fila husi Postu Administrativu Laga, derepente hetan asaltu iha dalan no rezulta vitíma na'in-2, Aman hetan kanek iha ibun, mata no hasan parte loos, no oan hetan kanek iha parte ulun karuk, tanba kona husi espellu motor nian ne'ebé baku rahun husi joven na'in-2.
Husi akontesimentu ne'e mós rezulta vitíma nia motor hetan estragus inklui kapaseti ne'ebé vitíma uza.
Hafoin akontese, vitíma na'in-2 desloka kedas husi fatin akontesementu hodi halo keixa iha parte seguránsa eskuadra Polísia Nasionál Timor-Leste (PNTL) Baukau vila no kontinua kedas ba Ospitál Regionál Eduardu Ximenes (HoREX-sigla portugés) Baukau hodi hetan tratamentu.
Nune’e, husu ba autoriedade seguransa atu kontinua buka joven na’in-rua, ne’ebé hakanek vítima na’in-rua iha dalan. (*)