Print this page

PNTL Baukau Preparadu Aségura Seremónia Haloot Restus Mortais 510 iha Laga

By December 13, 2022 2173
Membru PNTL Baukau prepara hela atu desloka ba fatin seremónia iha Postu Administrativu Laga, Tersa (13/12). Membru PNTL Baukau prepara hela atu desloka ba fatin seremónia iha Postu Administrativu Laga, Tersa (13/12). Foto Tomas Freitas

Tempotimor (Baukau)-Komandu Polísia Nasionál Timor-Leste (PNTL) Munisípiu Baukau, preparadu ona atu aségura seremónia haloot restus mortais hamutuk 510 iha Postu Administrativu Laga.

"Kona-ba eventu ida ne'ebé hala'o husi Governu atu haloot ita nia restus mortais saudozu sira iha Sub-Distritu Laga, tanba ne'e ita prepara atu desloka ba fatin refere hodi atende ba misaun ne'e", dehan Komadante PNTL Baukau, Superintendente António De Sá, Tersa (13/12).

Restus mortais saudozu sira ne'ebé dadaun iha Postu  Administrativu Laga hamutuk 510 tuir planu sei haloot iha loron 15 fulan-dezembru tinan-2022, iha jardim dos herois Laga.

Tanba ne'e, Komandu PNTL Baukau dadaun iha ona fatin seremónia, maibé rekursu limitadu, nune'e husu ona apoiu ba Komandu Jerál atu apoiu tán membru balun hodi kumpri misaun hamutuk ho FALINTIL-Forsa Defeza Timor-Leste (F-FDTL) fó seguránsa.

"Apoiu husi komandu iha ona dalan, lokraik sei reforsa tán ba, rekursu efetivu ne'e lolos 250 iha Baukau, maibé ita koloka ba aktividade seluk pagamentu US$200 ba kada uma-kain", nia hatete

Husu membru sira atu nafatin mantein lei no ordem hodi liuhusi kolaborasaun ho entidade hotu kria páz no estabilidade. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com

Related items