"Kazu ida ne'ebé mak horseik akontese, ita nia membru balun hetan kanek, ida ne'e ha'u fo hatene para ita nia kolega alunus sira mahasiswa sira halo demosntrasaun tuir regras ne'ebé mak iha, ita hotu respeita ema ida-idak nia moris, labele estraga de'it sasán depois ataka polísia, depois dehan polísia mak sala, maibé ema hotu respeita lei ne'ebé mak iha, eh PNTL sei la fó espasu ba ema ida halo anarkizmu no PNTL sei atua ho forsa atua ho forsa ne'ebé mak iha", dehan nia iha Komandu Jerál PNTL, kaikoli, kinta (24/11).

Alende ne'e, sei kontinua asegura estudante sira ne'ebé halo demosntrasaun iha resintu UNTL Parlamentu Nasionál nia oin ejije altera lei pensaun vitalisia.

"Ita boot sira hatene, ami nia membru na'in-rua mak hetan kanek, ida ne'e ita boot sira haree no hatene ida ne'e hatudu katak, iha nasaun ne'e ita halo liu ona", dehan nia

Tanba ne'e, Polísia Nasionál Timor-Leste sei atua ho estudante sira ne'ebé halo demosntrasaun bainhira mosu anarkizmu ruma no sei la fó espasu ba ema ida atu halo anarkizmu. (*)