Login to your account

Username *
Password *
Remember Me

Coliati Rona Ideia PR Molok Nomeia Xefe Kaza Militár Foun

Vise Xefe Estadu Maiór Jeneràl F-FDTL), Major Jeneràl Calisto dos Santos Coliati" ko’alia hela ho PR, José Ramos Horta, iha palasiu Prezidensial, Bairo-Pite, sesta (18/11). Vise Xefe Estadu Maiór Jeneràl F-FDTL), Major Jeneràl Calisto dos Santos Coliati" ko’alia hela ho PR, José Ramos Horta, iha palasiu Prezidensial, Bairo-Pite, sesta (18/11). Foto Suplay

Tempotimor (Dili)-Vise Xefe Estadu Maiór Jeneràl FALINTIL-Forsa Defeza Timor-Leste (F-FDTL), Majór Jeneràl Calisto dos Santos "Coliati", hasoru malu ho Prezidente Repúblika (PR), José Ramos Horta hodi ko'alia no rona ideia sira molok nomeia Xefe Kaza Militár foun ba Palásiu Prezidensiál Repúblika.

"Enkontru ha'u ho Xefe Estadu, ami rona ona Xefe Estadu nia hanoin no intensaun ida mak ami lori ba atu bele tetu foti desizaun, tanba Xefe Kaza Militár dezde Koronél Renilde retira hosi Prezidensia Repúblika, fila-fali ba iha Kuartél Jenerál Forsa Armada nian, pozisaun ba Kaza Militár mamuk hela", dehan Coliati hafoin sorumutu ho PR Horta iha palasiu pezidensiál, sexta (18/11).

Normalmente nomeiasaun ba xefe kaza militár tenke koronél, maibé Koronél laiha, bele mós Tenente Koronél.

Maibé, felismente enkontru ona ho Xefe Estadu, fo ona ideia no opiniaun Xefe Estadu nian no sei aprezenta ba komandu Tenente Jenerál Falur Rate Laek no hamutuk ho Komodoru, sira nain-tolu (3) tuur hamutuk hafoin foti desizaun.

Tanba, to'o ohin loron sira seidauk iha desizaun hodi nomeia ofisiál ida ne'ebé atu mai troka fali pozisaun iha Xefe Kaza Militár ninian.

Alende ne’e, ohin mós mai reprezenta Xefe Estadu Maior FALINTIL-Forsa Defeza Timor-Leste (F-FDTL), Tenente Jenerál Falur Rate La'ek, mai atualiza atividade militár ba Xefe Estadu.

"Ha'u ohin reprezenta Tenente Jenerál Falur Rate Laek, tanba nia ba vizita iha Oé-Cusse ne'ebé delega hela ha'u mai hasoru Prezidente Repúblika, hodi aprezenta pontu situasaun ba Xefe Estadu relasióna ho atividade militár ninian", nia afirma.

Atividade sira ne'ebe aprezenta, kona-ba enseramentu ba kursu forsa espesiál iha Tasi-Tolu no mós ho atividade sira seluk ne'ebé hala'o iha teritóriu Timor laran.

Nune’e, Prezidente Repúblika, José Ramos Horta, hanesan Komandante Supremu apresia tebes ba atividade hotu ne'ebé militár sira hala'o no husu atu Komandu mantein dixiplina ba militár sira sira iha fatin hotu. (*)

Rate this item
(0 votes)
Tempo Timor

Ho hakraik an Tempo Timor hato'o komprimentus ba laitor sira katak, Jornal Tempo Timor hahu mosu iha imi le'et atu fasilita informasaun ba imi. Tamba ne'e ami presiza ita boot sira nia tulun atu ekipa jornal ne'e nian bele halao servisu jornalismu ho didiak.

Jornalista Jornal Tempo Timor, bandu atu hetan envelope ka sasan ruma husi fontes informasaun sira.

www.tempotimor.com
Darwin_Optic

Popular

Error: No articles to display

.

Contact us

Palapasu
Dili, Timor-Leste
+670 7723 4852
+670 7728 1698
http://www.tempotimor.com

Kalendariu Arkivu

« March 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Tempo Timor Networks

Online Counter